Հունգարիայում ՀՀ դեսպան Աշոտ Սմբատյանի հանդիպումը Հունգարիայի վարչապետի աշխատակազմի ղեկավար նախարար Գերգելի Գուլաշի (Gergely Gulyás) հետ

28 հուլիսի, 2023

Հուլիսի 28-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի վարչապետի աշխատակազմի ղեկավար նախարար Գերգելի Գուլաշի (Gergely Gulyás) հետ։ Նախարարը շնորհավորեց ՀՀ դեսպանին պաշտոնի ստանձնման կապակցությամբ և հաջողություն մաղթեց իր գործունեության մեջ։

Հանդիպման ընթացքում կողմերը մտքեր փոխանակեցին Հայաստան-Հունգարիա հարաբերությունների և երկկողմ համագործակցության զարգացման համար առանցքային ուղղությունների վերաբերյալ։

ՀՀ դեսպանը ներկայացրեց Ադրբեջանի կողմից Լաչինի միջանցքի անօրինական շրջափակման հետևանքով Լեռնային Ղարաբաղում ստեղծված հումանիտար ճգնաժամը և կարևորեց միջազգային հանրության կողմից գործուն քայլերի գործադրումը՝ միջանցքի ապաշրջափակման և հումանիտար աղետի կանխման նպատակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր